لیۆنێل مێسی ئەرجەنتینی چاوپێکەوتنێکی تێرو تەسەلی لەگەڵ ئۆلێی ئەرجەنتینی ئەنجامدا و باسی چەند پرسێکی جیاوازی کرد.
مێسی گەلی ئەرجەنتینی لەوە دڵنیا کردەوە کە ئەو پەڕی تواناى خۆیان بۆ بەدەستهێنانی ناسناوی مۆندیال دەخەنە گەڕ.
ئاماژەى بەوەشدا کە ئەو هیچ بەڵێنێکی نەداوە و ئەوەی بڕیار دەدات ڕووبدات خودایە نەک ئەم.
بەشێک لە قسەکانی مێسی
– بردنەوەی یەكەم یاریی بەرامبەر سعودییە زۆر گرنگە بۆ ئێمە
– ئەم كۆمەڵە یاریزانە زۆر بەهێزبون كە یەكمان؟گرتوە بە تایبەت دوای شكستی یارییەكەی بەرازیل لە كوپا ئەمریكای ٢٠١٩
– لەدوای ئەو شكستەوە پێكهاتەیەكی بەهێزمان دروستكرد و خۆمان دۆزییەوە
– كۆمەڵێك یاریزانمان هەیە كە هەمان شێوەی یاریزانەكانی ئەرجەنتین بون لە مۆندیالی ٢٠١٤
– لێكچونێكی زۆر هەیە لە نێوان پێكهاتەی ٢٠١٤ و پێكهاتەی ٢٠٢٢
– شتێكی سەرنجڕاكێشە هاندەر دێتە یاریگاوە بۆ سڵاوكردنێك بەڵام ڕوداوێكی خۆشە و خۆشەویستییەكی جیاوازە
– دڵخۆش دەبین كە بتوانین ژمارە پێوانەییەكەی هەڵبژاردەی ئیتاڵیا بشكێنین لە زۆرترین یاریی بێ شكست
– هەموو یارییەكان بە هەمان خواست ئەنجام دەدەین
– هەمیشە لە مۆندیالدا هەندێ شت ڕوودەدەن چاوەڕوان نەكراون
– ئێمە دڵنیاین لەوەی مۆندیال پاڵەوانێتیەكی قورسە و هەندێ شتی بچوك لەوانەیە ببێتە هۆكاری دەركردنمان
– ئێمەی ئەرجەنتینی بەهەموو شێوەیەك دەمانەوێت بونمان لە مۆندیالدا هەبێت چ وەك یاریزان چ وەك هاندەر
– من ئەو كەسە نیم كە بەڵێن جێبەجێ دەكەم، پێموایە ئەوە خودایە بڕیار دەدات، خودا دەزانێت كەی كاتیەتی و كەی پێویستە ڕووبدات، من سوپاسگوازرم لەسەر ئەوەی ڕوودەدات بۆم، ئەوەی بۆم دەبێت خودا بڕیاری لەسەر دەدات.
– بە ئەزمونی مۆندیالەكانی پێشوو بۆم دەركەوتووە یەكەم یاریی زۆر گرنگە بە بەهێزی دەستپێبكەیت.
– ئێمە دەزانین بە دۆخێكی باشدا دەڕۆین بەڵام دەشزانین ئەمە مۆندیالە و هەمیشە بەدەستهێنانی قورس بووە
– لە مۆندیالی ٢٠١٤ یارییەكی باشمانكرد و چیژم لێبینی گرنگترین شت ئەوەیە كە یەكگرتوو بین لەناو خۆماندا
– هیچ گومانێكم نییە كە ئێمە تەنازول بۆ هیچ شتێك ناكەین و ئەوپەڕی توانای خۆمان سەرفدەكەین، هیوای پشتگیریش لە خودا دەكەین.
– بردنەوەی یەكەم یاریی زۆر گرنگە لە ڕووی دەروونییەوە ئاراممان دەكاتەوە بۆ یارییەكانی تر
– ئامادەین بۆ ڕوبەڕوبونەوەی هەر ڕكابەرێك كە بەرامبەرمان یاریی دەكات لە هیچ شتێك خۆش نابین و ئەم كۆمەڵە یاریزانە هەموو شتێك دەكەن بۆ بردنەوە
