رێکخراوی نەتەوە یەکگرتووەکان پێشبینی دەکات لە چەند رۆژی داهاتوودا ژمارەی دانیشتووانی جیهان بگاتە هەشت ملیار کەس و چینیش لە یەکەمی ریزبەندی قەرەباڵغترین دەوڵەتانی جیهان هاتووەتە دەرەوە.
ئیدارەی ئابووری و کۆمەڵایەتی رێکخراوی نەتەوە یەکگرتووەکان بڵاویکردووەتەوە، “ژمارەی دانیشتووانی جیهان خاوترین گەشەی بەخۆیەوە بینیوە لە دوای ساڵی 1950 وە، لەدوای ساڵی 2020 یش بە رێژەی لانی کەم %1 کەمیکردووە”.
ئاماژەی بەوەش کردووە، “ژمارەی دانیشتووان لە 15 ی ئەم مانگە دەگاتە هەشت ملیار کەس و تا ساڵی 2030 یش دەگاتە 8.5 ملیار بۆ ساڵی 2050 دەگاتە 9.7 ملیار و لە ساڵی 2080 بۆ 10.4 ملیار بەرزدەبێتەوە و تا ساڵی 2100 لەم ژمارەیەدا دەمێنێتەوە”.
ئاشکراشی کردووە، “هندستان هاتووەتە پلەی یەکەمی ریزبەندی قەرەباڵغترین دەوڵەتانی جیهان و پێش چین کەوتووە، لە جیهاندا بە گشتی رێژەی وەچەخستنەوە کەمبووەتەوە، پێشبینی دەکرێت لە نێوان ساڵانی 2022 بۆ 2050 لە 61 دەوڵەتی جیهاندا بەهۆی کەمبوونەوەی وەچەخستنەوە بە رێژەی %1 ژمارەی دانیشتووان کەمبکات”.
باسی لەوەش کردووە، “پێشبینی دەکرێت تا ساڵی 2050 لە هەشت دەوڵەتی (کۆنگۆی دیموکرات، میسر، ئەسیوپیا، هند، نێجیریا، پاکستان، فلیپین و تەنزانیا) نیوەی ئەو زیادبوونەی ژمارەی دانیشتووانی تێدا رووبدات کە لەسەرەوە باسکراوە”.
روونیشیکردووەتەوە، “پێشبینی دەکرێت رێژەی ئەو کەسانەی تەمەنیان سەروو 65 ساڵە و رێژەی %10 پێکدەهێن تا ساڵی 2050 بگاتە %16
%
