گوستاڤۆ پێترۆ پێشتر یەكێك بووە لە گەریلاكانی كۆلۆمبیا، لە هەڵبژاردنی دوێنێی سەرۆکایەتیی وڵاتەكەیدا بە سەرۆک کۆمار هەڵبژێردرا.
لە دووەم خوولی هەڵبژاردنی سەرۆکایەتیی كۆڵۆمبیادا كە دوێنێ یەكشەممە بەڕێوەچوو، گوستاڤۆ پێترۆ کاندیدی هاوپەیمانیی پەیمانی مێژوویی و ڕۆدۆلفۆ هێرناندێز کاندیدی کۆمەڵەی پارێزگارەکان کێبڕکێیان دەکرد.
گوستاڤۆ پێترۆ پێشتر گەریلا بووە و ئێستا تەمەنی 62 ساڵە، لە كۆی 22 ملیۆن کەس كە لە هەڵبژاردنەكەی كۆڵۆمبیادا مافی دەنگدانیان هەبوو، گوستاڤۆ 11 ملیۆن دەنگی بەدەستهێنا کە دەكاتە 50.46%ی کۆی دەنگەکان و بووە سەرۆک کۆماری كۆڵۆمبیا.
سەرۆكی نوێی كۆڵۆمبیا پێشتر ئەندامی بزوتنەوەی چەتەکانی ئێم-19 و ماوەیەك سەرۆکی شارەوانیی بۆگۆتای پایتەخت بووە. دروشم و بەڵێنی گوستاڤۆ پێترۆ لە بانگەشەی هەڵبژاردندا، خوێندنی بێبەرامبەری زانکۆ و چاکسازی لە سیستمی خانەنشینی بوو.
