وەزارەتی دەرەوەی ئەمریکا ئیدانەی هێرشەکەی سەر هەولێری کرد

وتەبێژی وەزارەتی دەرەوەی ئەمەریکا بە توندی ئیدانەی ئەو هێرشانەی کرد کە شەوی دووشەممە کرانە سەر هەولێری پایتەختی هەرێمی کوردستان و لە ئاکامدا 4 کەس گیانیان لەدەست دا و 6 کەسی دیکە برینداربوون.

ماثیۆ میللەر وتەبێژی وەزارەتی دەرەوەی ئەمریکا لە راگەیەندراوێکدا دەڵێت،”ویلایەتە یەکگرتووەکانی ئەمەریکا بە توندی ئیدانەی هێرشەکانی ئێران بۆ سەر هەولێر دەکات و سەرەخۆشی لە کەسوکاری کوژراوەکان دەکەن. ئێمە دژی هێرشە موشەکییە بێباکەکانی ئێرانین کە سەقامگیری عێراق تێکدەدات. پشتیوانی لە هەوڵەکانی حکومەتی عێراق و حکومەتی هەرێمی کوردستان دەکەن بۆ بەدیهێنانی خواستەکانی خەڵکی عێراق.”