هاوسەرۆکی یەکێتی لە پەیامێکدا لەبارەی خۆپیشاندانەکانی سلێمانییەوە ڕایگەیاند، خەڵک بە دەست بێ موچەییەوە دەناڵێنێت و داوا لە هێزە ئەمنییەکانیش دەکات نەبنە هۆکاری زیان گەیاندن بە ناوبانگی خۆیان چونکە خۆپیشاندەران کەسوکاری ئەوانن.
لاهور شێخ جەنگی، هاوسەرۆکی یەکێتی لە پەیامەکەیدا دەڵێت، ” دهمهوێت دڵنیابن كه من لهگهڵ داوا حهق و رهواكانی ئێوهم و پشتیوانیتان لێ دهكهم. وهكو سهرۆكایهتیی یهكێتیی نیشتمانیی كوردستانیش لهوه بهئاگاین كه چیتر قبوڵ ناكرێت هاووڵاتیانی ههرێمی كوردستان، بكرێن به قوربانی گهندهڵی و ناڕۆشنی و ململانێ سیاسییهكان”.
هاوسەرۆکی یەکێتی ڕاشیگەیاندووە، “لێرهوه، دوای ئهو پشوو درێژییه بێ وێنهیهی بهرامبهر كهمتهرخهمی و نابهرپرسیارێتییهكانی حوكمڕانی نیشانتانداوه، داواتان لێ دهكهین چهند رۆژێكی تریش دان به خۆتاندا بگرن، بهوپهڕی دڵسۆزی و توانا، بهرگریكاری مافهكانتان دهبین”.
هاوسەرۆکی یەکێتی ئاماژەی بەوەشکردووە کە “دووپاتی دهكهینهوه كه روبهڕوبوونهوهی خۆپیشاندهران بڕیار و سیاسهتی یهكێتی نهبووه و نابێت”.
لاهور شێخ جەنگی ئاشکرایکردووە کە قسەی لەگەڵ مستەفا کازمی، سەرۆکوەزیرانی عێراق کردووە سەبارەت بە پرسی موچە و لە کۆبوونەوەی باڵای لایەنە سیاسییەکانی عێراقیش کە سێ ڕۆژی دیکە ئەنجام دەدرێت لەسەر موچەی فەرمانبەرانی هەرێم قسەی زیاتر دەکەن.
