د. كەریم شەریف قەرەچەتانی پسپۆڕی دەروونزانی ڕایدەگەیەنێت، “منداڵی بیركۆڵ و ئۆتیزم و ئیفلیجی مێشك بە نا سروشتی زۆر بووە و بڕوا ناكەم لە هیچ وڵاتێكدا بەو شێوەيەی لای ئێمە بێت”.
دەشڵێت، “ئەم حاڵەتانە پێویستی بە توێژینەوەی زانستی قوڵ ھەیە، لێرەو لەوێ باسی ھێنانی دەرمان و خواردنی بەسەرچوو دەكەن، یان دەڵێن دوژمنانی كورد لە ڕێگەی تایبەتی خۆیانەوە دەیانەوێت تاكی كورد تووشی نەزۆكی بكەن یان منداڵەكانیان بیركۆڵ ببن، ئەمانە و زۆر شتی تر باس دەكرێن، بۆ ئەوەی لە ئەو ڕێگەوە كۆمەڵگەی كوردی تووشی ئیفلیجی بكەن، واتە نەیانتوانی لە ڕێگەی چەك و پیلانگێرییەوە كورد لەناو ببەن، دوور نییە ئەمە پیلان بێت چونكە ئەم ڕێگەیە ئاسانترین و ھەرزانترین ڕێگەیە بۆ تێكدانی خێزان و كۆمەڵگەی كوردی”.
ڕاشیگەیاند، سەرقاڵكردنی دایك و باوك بە منداڵە بیركۆڵ و دواكەوتووەكەیان تا بیر لە ھیچ شتێكی تر نەكەنەوە، ئەگەر ئەمە ھۆكار نییە ئەی بۆچی ِرۆژ لە دوای ڕۆژ ژمارەی ئەو منداڵانە بە شێوەیەكی نا سروشتی زیاتر دەبن.
