نرخی نەوت لە بازاڕەكانی جیهان دابەزینی زیاتری بەخۆوە بینی و یەك بەرمیل نەوتی خاوی برێنت بە خوار 90 دۆلار مامەڵەی پێوەدەكرێت.
بەیانی ئەمڕۆ هەینی، نرخی یەك بەرمیل نەوتی خاوی برێنت لە بازاڕەكانی جیهان بە 89 دۆلار و 90 سەنت مامەڵەی پێوەدەكرێت و یەك بەرمیل نەوتی خاوی تەكساس بە 83 دۆلار و پێنج سەنت مامەڵەی پێوەدەكرێت.
دوێنێ پێنجشەممە، یەك بەرمیل نەوتی خاوی برێنت بە سەروو 90 دۆلار مامەڵەی پێوەكراوە.
جەنگی ئۆكرانیا هۆكارێك بووە بۆ گرانبوونی نرخی نەوت و غاز لە بازاڕەكانی جیهاندا كە ماوەی زیاتر لە حەوت مانگە نرخەكانیان جێگیرنەبووە و بەردەوام لە گۆڕانكاریدان.
