ئەمڕۆ بۆ ڕۆژی دووەمە بومەلەرزە لە خانەقین ڕودەدات، دوو بومەلەرزە ئەو شارەی لەرزاند بەڵام بێ زیان بووە.
بەگوێرەی ڕاپۆرتێكی دەستەی گشتیی كەشوهەوا و بومەلەرزەزانیی لە پارێزگای دیالە، بەرەبەیانیی ئەمڕۆ سێشەممە 16ی ئازار، دوو بومەلەرزە بە هێزەكانی 2.8 و 3.3 پلەی ڕێختەر خانەقین-یان لەرزاندووە.
ئەوەش ئاشكراكراوە، هاوڵاتییان هەستیان بەو دوو بومەلەرزە كردووە، بەڵام هیچ زیانێكی بەدواوە نەبووە.
ئەوەش لەكاتێكدایە، دوێنێ دووشەممە چوار بومەلەرزە هەمان شاری گرتووە كە یەك لە بومەلەرزەكان 4 پلەی ڕێختەر بوو.
خانەقین لە سنووری ئێرانەوە نزیكە، ئەو ناوچەیە بەردەوام بومەلەرزە لێی داوە.
