بلیتی وەرزیی یارییەکانی خولی ئیسپانیا لە یانەیەکەوە بۆ یانەیەکی دیکە جیاوازی هەیە، گرانبەهاترینیان بلیتی یارییەکانی یانەی قادیشە.
بەپێی ئەو داتایانەی ڕۆژنامەنووسانی بەرنامەی “ئیل شیرینگیتۆ”ی ئیسپانی ئاشکرایان کردووە، بلیتی وەرزیی “لالیگا”، یاخود بلیتی بەشداریکردن لە سەرجەم یارییەکانی یانەی قادیش لە سەرجەم یانەکانی دیکە گرانبەهاترە.
بلیتی وەرزیی قادیش بەهاکەی 450 یورۆیە، لە کاتێکدا بلیتی یانەیەکی زەبەلاحی وەک بەرشلۆنە تەنها 270 یورۆیە، ڕیاڵ مەدریدیش بە 266 یورۆیە.
سەیر لەوەدایە، یانە بچووکەکانی ئیسپانیا بلیتە وەرزییەکانیان گرانبەهاترە، ئەوەش بەهۆی کاریگەریی کەمی داهاتەوەیە، ئەو یانانە دەیانەوێت لەم ڕێگەیەوە داهاتیان بەرز بکەنەوە.
ڕیزبەندیی وەرزی ڕابردوو بۆ بلیتی وەرزیی یانەکان بەم جۆرەیە:
- قادیش 450 یورۆ
- ئیسپانیۆل 350
- جیرۆنا 345
- بەلەد وەلید 335
- ئیشبیلیە 335
- ڕیاڵ بیتیس 305
- ئەلمیریا 300
- ئەتلەتیک بلباو 300
- ڕیاڵ سۆسیداد 280
- بەرشلۆنە 270
- ئۆساسونا 270
- ڕیاڵ مەدرید 266
- ڤالێنسیا 265
- ئەتلەتیکۆ مەدرید 255
- سێلتا ڤیگۆ 250
- ڕایۆ ڤایکانۆ 210
- ڕیاڵ مایۆرکا 180
- ئیڵچی 115
- خیتافی 110
- ڤیاڕیاڵ 90
