ڕۆژنامه‌نووس و هاوڕێی کریستیانۆ ڕۆناڵدۆ، ئیدو ئاگێری دووپاتی ده‌کاته‌وه، یاریزانه‌که به هیچ شێوه‌یه‌ک په‌یوه‌ندی به یانه‌ی ئه‌تله‌تیکۆ مه‌دریده‌وه نه‌کردووه.
ڕۆژنامه‌نووسی ناوداری ئیسپانیا و هاوڕێی نزیکی کریستیانۆ ڕۆناڵدۆ، ئیدو ئاگێری له میانی به‌شداریکردنی له بەرنامەی “ئیل چیرینگیتۆ” ئاشکرای کرد، که له ماوه‌ی ڕابردوودا بەڕێوەبەرانی یانه‌ی ئه‌تله‌تیکۆ مه‌درید پەیوەندییان بە خۆرخی مێندێزی لێپرسراوی کاره‌کانی کریستیانۆ ڕۆناڵدۆ کردووه.
ئاگێری به جوسێپ پێدریرۆڵی ڕاگه‌یاندووه، “ئه‌وه‌تان بۆ ئاشکرا ده‌که‌م که ڕوویدا، چونکه ئه‌وانە‌ی ده‌وترێن و بڵاوده‌کرێنه‌وه ڕاست نین، به‌ڵکو یه‌که‌م په‌یوه‌ندی که به خۆرخی مێندێزه‌وه کراوه له‌لایه‌ن جیل مارینی به‌ڕێوه‌به‌ری ئه‌تله‌تیکۆ و دیێگۆ سیمیۆنی-یه‌وه بووه، ئه‌تله‌تیکۆ گرنگی به بارودۆخی کریستیانۆ داوه، نه‌ک پێچه‌وانه‌که‌ی.”
❌ "Es MENTIRA que CRISTIANO se haya OFRECIDO al ATLETI" ❌
👉 @EduAguirre7 lo deja claro en #ChiringuitoAtleti. pic.twitter.com/ySfh1CcKFc
— El Chiringuito TV (@elchiringuitotv) August 15, 2022
لە ماوەی ڕابردوودا دەنگۆی ئەوە بڵاوکرایەوە، کە کریستیانۆ تواناکانی پێشکەش بە ئەتلەتیکۆ مەدرید کردووە، بەڵام یانە زەبەلاحەکەی مەدرید ڕەتیکردووەتەوە گرێبەستی پێشکەش بکات.
