ئەنچیلۆتی متمانەی بەوە هەیە ڕیاڵ مەدرید بتوانێت پارێزگاری لە ناسناوی خولی ئیسپانیا بكات.
باسی لە ئاستی بەشێك لە یاریزانەكان كرد و هیوای خواست لەسەر هەمان ڕیتمی وەرزی ڕابردوو بەردەوام بن.
دڵنیاشە لەوەی هازارد وەرزێكی نمونەیی بەڕێدەكات و هیواش دەخوازێت ڤینیسیۆس لەسەر گۆڵكردن بەردەوام بێت.
پوختەی قسەكانی ئەنچیلۆتی
/ هەستێكی باشمان هەیە و هیوامان بەوەیە بتوانین پارێزگاری لە ناسناوی لا لیگا بكەین.
/ كاسمیرۆ و چوامینی هەردوكیان شێوازی یاریكردنیان لە یەكەوە نزیكە بەڵام بە تایبەتمەندی جیاواز، یەكێكیان لە پێكهاتەی تیپەكە جێگەی دیاریكراوە، ئەوەی تریان لە هەوڵدایە، ئەگەری بەشداریكردنی هەردوكیشیان پێكەوە هەیە.
/ من دڵنیام لەوەی كە هازارد دەتوانێت بونی خۆی بسەلمێنێت.
/ ئێستا شانازی دەكەم كە خاوەنی كۆرتوام، ناتوانم بڵێم كێ باشترین گۆڵچییە كە ڕاهێنەرایەتیم كردووە ، چونكە زۆر گۆڵچی تر هەیە وەك نوێر و كاسیاس و بوفۆن.
/ سیبایۆس و ئەسینسیۆ لێرەن و بە شێوەیەكی باش ڕاهێنان دەكەن، تا 31ی مانگی هەشت لەگەڵ مندان، ئەگەر شتێك گۆڕا ئەو كات پلانێكی تر دادەنێین.
/ ڤالڤێردی لە قۆناغی دووەمی ڕكابەرییەكان ئاستێكی بەرزی پێشكەش كرد و توانی سەركەوێت بەسەر ئەو پێكانەی دوچاری هات.
/ دوای مۆندیال پێشتر یاریزانەكان دەچون پشوویان وەردەگرت، بەڵام ئێستا دەگەڕێنەوە بۆ ڕكابەرییەكان بۆیە پێویستە كە پشووی زیاتر بە یاریزانەكان بدرێت.
/ تا مۆندیال توشی ئاستەنگی زۆر دەبین چونكە یاریزانەكان دەیانەوێت بەشداری مۆندیال بكەن.
/ پێم سەیرە تۆنی كروس لە لیستی یاریزانە پاڵێوراوەكاندا نییە بۆ تۆپی ئاڵتون، ئاستێكی بەرزی پێشكەش كرد.
/ هیوا دەخوازین ڤینیسیۆس لەسەر ئەو ئاستە بەرزەی بەردەوام بێت، وەرزی ڕابردوو زۆر بە باشی دەركەوت هیوادارم بتوانێت لە گۆڵ تۆماركردن بەردەوام بێت.
/ ڕۆدریگێر وەك دڵی بەرگریكار یاریی دەكات، بەڵام لە حاڵەتی پێویستدا دەبێتە بەگریكاری لای ڕاست.
/ دوای ڕیاڵ مەدرید، كاروانی وەرزشی من كۆتایی دێت و واز لە ڕاهێنەرایەتی دەهێنم
