بەهمەن شێخ قادر وتەبێژی بەنزینخانەكانی سلێمانی بە تۆڕی میدیایی ئێستای ڕاگەیاند، ئەمڕۆ لە سلێمانی نرخی هەرسێ جۆرەكەی بەنزین بە شێوەیەكی بەرچاو هەرزانتر دەبن.
لەبارەی هۆكاری دابەزینی نرخی بەنزینەوە، بەهمەن شێخ قادر وتی، نرخی بەنزین لە بۆرسەی جیهاندا دابەزیوە. هەروەها هاتنی بەنزینی 690 و 800 دیناری هۆكارێكی ترە بۆ دابەزینی نرخی بەنزین لە سلێمانی.
وتەبێژی بەنزینخانەكانی سلێمانی لە لێدوانەكەیدا بۆ ئێستا ئاشكرایكرد، ئەم ماوەیە خواست لەسەر بەنزین كەمە و ئەم سێ هۆكارە وایانكردووە نرخی جۆرەكانی بەنزین لە سلێمانی داببەزن.
بەپێی زانیارییەكان، پێدەچێت هەرزانبوونی بەنزین بەم شێوەیە بێت، نۆرماڵ 100 دیناری لێببێتەوە، موحەسەن 75 دینار و سوپەریش 50 دینار هەرزانتر بن.
