شۆفێری ئەفسانەیی ئەڵمانیا و تیمی ئەستۆن مارتن، سباستیان ڤیتێل کۆتا وەرزی لە بواری “فۆرمولا 1” بەسەر دەبات.
ڤیتێل لە پێگەی تایبەتی خۆی لە تۆڕی کۆمەڵایەتیی ئینستاگرام ئاشکرایکردووە، لە کۆتایی ئەم وەرزەدا (2022) وازهێنانی یەکجارەکی ڕادەگەیەنێت.
لەو بارەیەوە ڕایگەیاندووە، “هیوادارم بەو کارانەی ساڵی ڕابردوو و ئەمساڵ کردوومە بەردەوامبم لە یارمەتیدان و پەرەپێدانی تیمەکەم و سەرکەوتنی، تاوەکو کۆتایی ساڵ بەوپەڕی توانامەوە کار دەکەم بۆ پێکانی ئامانجەکانم.”
"My goals have shifted from winning races and Championships to seeing my children grow, passing on my values and being able to learn from them."
– Sebastian Vettel. Four times an #F1 World Champion, forever a family man. 💚
Tap to watch Seb's touching video. ⬇️
— Aston Martin Aramco F1 Team (@AstonMartinF1) July 28, 2022
هەروەها دەڵێت، “بڕیاری وازهێنان قورس بوو و کاتێکی زۆرم پێچوو، بەڵام دەبوو بیکەم، دەمەوێت کاتێکی زیاتر تەرخان بکەم بۆ بیرکردنەوە لە کاری داهاتووم، زۆر ڕوونە ئێستا باوکم و دەمەوێت کاتێکی زیاتر لەگەڵ خێزانەکەم بەسەر ببەم.”
ڤیتێل لە ژیانی وەرزشییدا چوار ناسناوی پاڵەوانی جیهانی بەدەستهێناوە، 53 بردنەوەی لەسەر 122 مەیدانی پێشبڕکێ تۆمار کردووە، لەم وەرزەدا لە پلەی 14ی ڕیزبەندیی شۆفێراندایە بۆ پاڵەوانێتی جیهان.
