موفتیی عێراق پەیامێكی بۆ سەدر نارد و دەڵێت، كشایتەوە بۆ ئەوەی خوێن نەڕژێت، “بەهیوام ئەو مەبەستە شەریفە بمێنێتەوە”.
مەهدی ئەحمەد سومەیدەعی موفتیی عێراق، نامەیەكی بۆ موقتەدا سەدر ڕێبەری ڕەوتی سەدر نارد و داوای پاراستنی ئاشتەوایی و بەرگرتن لە ڕژانی خوێنی لێدەكات.
لە نامەكەیدا سومەیدەعی نووسیویەتی، “وازتان لە كاری سیاسی هێنا، بۆ ڕێگریكردن لە خوێنڕشتن و پاراستنی وڵات، بەهیوام ئامانج و مەبەستە شەریفەكە وەك خۆیان بمێننەوە”.
دوێنێ لایەنگرانی ڕەوتی سەدر لە بەغداد خۆپیشاندانیان كرد. خۆپیشاندانەكە سەرەتا لە گۆڕەپانی تەحریر ئەنجامدرا و دژی كاندیدكردنی محەمەد شیاع سودانی بۆ پۆستی سەرۆك وەزیران بوو، بەڵام تەشەنەیسەند و خۆپیشاندەرە سەدرییەكان چوونە ناوچەی سەوز و ناو هۆڵی ئەنجومەنی نوێنەران، دواتر بە فەرمانی موقتەدا سەدر كشانەوە.
