میدیا عێراقییەکان بڵاویانکردەوە، لە سەنتەرێکی جوانکاری لە بەغداد، کچێکی تەمەن 22 ساڵ لەکاتی نەشتەرگەریی جوانکاریدا گیانیلەدەستداوە.
بەپێی ئەو هەواڵەی بڵاوبووەتەوە، کچەکە نەشتەرگەریی دەرهێنانی چەوریی ورگی بۆ کراوە، گیانلەدەستدانەکەشی ئەمڕۆ یەکشەممە بووە، بەهۆی کاریگەرییەکانی نەشتەرگەرییەکەوە نەک هۆکاری دیکە.
ئەو کچە لەدایکبووی ساڵی 2000 بووە، ئەو سەنتەرەشی نەشتەرگەرییەکەی بۆکردووە لە ناوچەی غەدیری ڕۆژهەڵاتی بەغدادە.
دایک و باوکی کچەکە سەرەڕای تۆمارکردنی سکاڵا دژی سەرجەم کارمەندانی سەنتەرەکە، هەروەها سکاڵایان دژی هاوسەری کچەکەشیان تۆمارکردووە.
