لانیكەم شەش كەس گیانیان لەدەستدا و 12ی دیكەش لە ڕیزی بێسەروشوێنبوواندان بەهۆی ئەو لافاوەی كەرتی سیچوان-ی لە باشووری ڕۆژئاوای چین گرتەوە.
تەلەفزیۆنی ناوەندیی چین بڵاویكردەوە، تا كاتژمێر 7ی بەیانی ئەمڕۆ (بەكاتی ناوخۆی ئەو وڵاتە) شەش كەس گیانیان لەدەستداوە و 12ی دیكە بێسەروشوێنن.
ڕۆژانی هەینی و شەممە بارانی بەخور باكووری سیچوان-ی گرتەوە و زیان و كاریگەرییەكەی بۆسەر 22.3 هەزار كەس لە 13 گوند بوو. لە هەندێك ناوچەش هێڵەكانی كارەبا زیانیان بەركەوتووە و جگە لە پەككەوتنی هۆكارەكانی گواستنەوە.
