یانەی بایرن میونشنی ئەڵمانی گرێبەستكردن لەگەڵ كریستیانۆ ڕۆناڵدۆی پورتوگالی ڕەتدەكاتەوە.
ڕۆناڵدۆ بڕیاریداوە لەگەڵ مانچستەر یونایتد بەردەوام نەبێت و پەیوەندی بە یانەیەكەوە بكات كە لە چامپیۆنز لیگ یاریی بكات.
پاش ڕۆیشتنی لیڤاندۆڤسكی بۆ بەرشلۆنە ، دەنگۆی ئەوە بڵاوبووەوە كە ڕۆناڵدۆ جێگەی دەگرێتەوە.
بەڵام هەر زوو ناگیلسمان ڕاهێنەری بایرن ئەو هەواڵانەی ڕەتكردەوە.
ئۆلیڤەركانی بەڕێوەبەری جێبەجێ كاری یانەی بایرن میونشن بەهەمان شێوە ڕەتیكردەوە ئەوان گرێبەست لەگەڵ ڕۆناڵدۆ بكەن.
وتیشی: ئیمزاكردنی ئەو جۆرە گرێبەستانە لەگەڵ سیاسەت و كاركردنی ئێمەدا ناگونجێت.
