لیۆنێل مێسی ئەرجەنتینی هەفتەیەك پێش وادەی خۆی گەڕایەوە بۆ مەشق و ڕاهێنانەكانی پاریس سانجێرمان.
دوای دوورخستنەوەی پۆچتینۆ وەك ڕاهێنەر و دیایكردنی گالیتێ لە جێگەكەیدا، ڕاستەوخۆ مێسی لە ڕاهێنانەكانی پاریسدا بینرا.
.هەرچەندە وادانرابوو مێسی 11ی مانگ بگەڕێتەوە، بەڵام هەفتەیەك پێش وادەی خۆی گەڕابووەوە ڕاهێنانەكان.
بە پێی هەواڵی ڕاگەیاندنەكان، مێسی و ڕامۆس دەیانەوێت تۆڵەی وەرزە خراپەكەی وەرزی رابردوو بكەنەوە و لە سەرەتای ئامادەكارییەكانەوە بەشداریان كردووە تا توانایەكی بەهێزی جەستەییان بۆ بگەڕێتەوە.
هەردوو یاریزانەكە وەرزی ڕابردوو ئاستیان وەك پێویست نەبووە و یانەكەش تەنها ناسناوی خولی فەرەنسای بەدەستهێناوە.
مێسی یانەی پاریسی توشی سەرسورمان كردووە بەو پێیەی ئەوان پێشبینی ئەوەیان نەكردوە كە زوتر بگەڕێتەوە.
