لیژنەی پارائۆڵیمپی نێودەوڵەتی، بڕیاریدا بە دوورخستنەوەی هەردوو تیمی ڕوسیا و بیلاڕوسیا لە خولی پارائۆڵیمپی زستانەی بەیجین.
لیژنەی پارائۆڵیمپی نێودەوڵەتی لەبارەی تیمی ڕوسیا لە خولی پارائۆڵیمپی بەیجین، لە بڕیارەکانی پێشووی پەشیمانبووەوە، بڕیارەکەیان لە قەدەغەکردنی ئاڵای ڕوسیا و بەشداریکردنی یاریزانانی ئەو ڵاتە لەژێر ناوی سەربەخۆ بۆ قەدەغەکردنی تەواوەتی گۆڕی، ئەوەش دوای ئەوەی چەندین تیمی بەشدار لەخولەکە ناڕەزاییان دەربڕی.
بەپێی بڕیارە نوێیەکە، هەریەک لە تیمەکانی پارائۆڵیمپی ڕوسیا و بیلاڕوسیا بۆیان نابێت بەشداریی خولی زستانە بکەن، کە بڕیارە لە بەیجینی پایتەختی چین سازبکرێت.
لەو بارەیەو ئاندرۆ پارسۆنز، سەرۆکی لیژنەی پارائۆڵیمپی بە میدیاکانی ڕاگەیاندووە، “پاراستنی ئاسایشی خولەکە و وەرزشکاران پێشەنگی کارەکانمانە، بەردەوامبوونمان لە بڕیاری پێشوو دۆخی نێوان وەرزشکارانی خراپتر دەکرد، ئەوەش بەلای ئێمەوە شایەنی قبوڵکردن نەبوو”.
