بەپێی ئەو زانیارییانەی بە تۆڕی میدیایی ئێستا دراون لە ئەمڕۆوە سەرجەم جۆرەكانی بەنزین لە سلێمانی 100 دیناری دیكە دەچێتە سەر نرخەكەیان و هۆكارەكەی ئاشكرادەكرێـت.
لە زانیارییەكاندا هاتووە، ئەو ماددانەی بۆ دروستكردنی بەنزین لە كۆماری ئیسلامیی ئێرانەوە هاوردە دەكرێن گرانكراوە و پاڵاوگە نوێیەكەی هەولێر بە گرانتر بەنزینی خستووەتە بازارەوە، جگەلەوەش ئەو بەنزینەی لە عێراقەوە هاوردە دەكرا وەك پێشتر بڕەكەی هاوردە ناكرێت.
ئاماژە بەوەشكراوە، ئەو ماددانەی لە كۆماری ئیسلامیی ئێرانەوە هاوردە دەكرێن بۆ بەنزینە 800 دینارییەكە تێكەڵدەكرێت.
نرخی یەك لیتر بەنزینی نۆرماڵ 1250، بەنزینی موحەسەن 1375 دینار و بەنزینی سوپەر بە 1425 دیناربووە و هەر سێ جۆرەكەی بەنزین 100 دیناری دیكە دەچێتە سەر سەر نرخەكەیان.
