بەڕێوەبەرایەتیی ئاوی سلێمانی دڵنیایی دەداتە هاوڵاتیان كە ئاوی تۆڕەكانی سلێمانی پاكژو تەندروستە بۆ خواردنەوە و هەمیشە پشكنینی سەرچاوەكانی ئاو دەكەن.
بەختیار تاهیر، بەڕێوەبەری ئاوی سلێمانی راگەیاندووە ئاوی تۆڕەكانی سلێمانی پاكژ و تەندروستە بۆ خواردنەوە و هەمیشە پشكنینی سەرچاوەكانی ئاو دەكەن و داواش لە هاوڵاتییان دەكات ئاوی هیچ تانكەرێك نەكڕن بەبێ ئەوەی لۆگۆی بەڕێوەبەرایەتیی ئاوی سلێمانی پێوەنەبێت.
وتیشی، “بەردەوام چاودێریی رێژەی كلۆردەكەین كە دەخرێتە خەزانەكانی ئاوەوە و ئاو تانكەرانەی لە شەمعەی ئێمە ئاو وەردەگرن و تەندروستن و هیچ گرفتێكیان نییە و ئەوەی شەمعەی نافەرمییە دامانخستووە”.
