پێستی ڕووخسارت سەرنجڕکێشترین ئەندام و شوێنی جەستەتە، بۆیە پێویستە زۆرترین گرنگی و هۆشیاریت هەبێت لەبارەیەوە، هەر ڕێکار و هەنگاوێک کە باسی لێوەدەکرێت بۆ پاراستنی پێستی ڕووخسار بەبێ زانیاری بەکاریمەهێنە، سەرەتا بەدواداچوونی بۆ بکە، زانیاری لەسەر وەربگرە و دواتر ئەگەر گونجا بەکاریبهێنە.
دیارترین ڕێگاکانی پاراستنی پێست کە باسی لێوەدەکرێت ماسک و سیرەمە کە بەکاربهێنرێت.
جیاوازییەکانی نێوان ماسک و سیرەم چین؟ کامیان باشترن؟
ماسکەکان:
ماسک کۆمەڵێک سوود بە پێست دەگەیەنێت کە دیارترینیان تەقشیر کردن، نوێکردنەوە و شێدارکردنەوەی پێستن، ماسک دوای پاککردنەوەی پێست بەشێوازێکی دروست و شتنی بە جێڵی تایبەت بەکاردەهێنرێت.
تایبەتمەندییەکانی:
هەموو ماسکێک تایبەتە بە چارەسەرکردنی کێشەیەکی پێست.
یارمەتیی ڕووخسار دەدات بۆ نوێبوونەوە و پاکبوونەوە.
چالاکی بۆ پێكهاتەکانی پێست دەگەڕێنێتەوە، چارەسەری کێشەکانی دەکات.
سیرەمەکان:
یارمەتیدەرن لە شێدارکردنەوە و پاراستنی ڕووخسار، لە پێکهاتەکەیدا چالاککەری زیاتری پێست و دەنکۆڵەی زیاتری سوودبەخشی قوڵ هەیە لە سیرەمدا، هەروەها بە بەکارهێنانی کاریگەریی خێراتر و باشترت دەستدەکەوێت.
تایبەتمەندییەکانی:
سیرەمەکان سووکترن لەسەر پێستی ڕووخسار.
کاریگەرییان زیاتر و خێراترە لەسەر هێڵەکانی پیری کە لە پێستدا دەردەکەون.
بەکارهێنانیان ئاسانترە.
کام لەو دووانە دەکرێت باشتربێت لە باکارهێناندا؟ ئەوە دەگەڕێتەوە بۆ هەڵبژاردنی کەسەکە، کە خاوەنی چ جۆرە پێستێکە، بە زانینی زانیارییەکان لەسەر ئەو دوو پێکهاتەیە دەکرێت بڕیار لەسەر بەکارهێنانی یەکێکیان بدرێت.
