ئەندامێكی هاوپەیمانیی دەوڵەتی یاسا ڕایدەگەیەنێت، كاندیدكردنی نوری مالیكی بۆ پۆستی سەرۆك وەزیرانی عێراق یەكێكە لە ئەگەرە بەهێزەكان و چێوەی هەماهەنگی دركیان بەوەكردووە كە مالیكی كەسایەتییەكە دەتوانێت وڵات لە قەیرانەكان دەربازبكات.
فازڵ مەوات، ئەندامی هاوپەیمانیی دەوڵەتی یاسا ڕایگەیاند، چێوەی هەماهەنگيی شیعەكان چەند مەرجێكی بۆ ئەو كەسە دیاریكردووە كە كاندید دەكرێت بۆ پۆستی سەرۆك وەزیرانی عێراق كە دەبێت لێهاتووبێت و دەستپاك بێت و توانای چارەسەركردنی قەیرانەكانی هەبێت و ئەزموونی سیاسیی هەبێت بە تایبەت لە ئیدارەدانی دەوڵەتدا.
ئاماژەی بەوەشكرد، لایەنەكان لەسەر كەسایەتیی نوری مالیكی، سەرۆكی هاوپەیمانیی دەوڵەتی یاسا كۆكن كە پۆستی سەرۆك وەزیران وەربگرێت و دەتوانێت ڕووبەڕووی قەیرانەكان ببێتە كە بەرۆكی وڵاتی گرتووەتەوە.
