وەزیری بەرگریی توركیا لە دوای هەشت ڕۆژ لە ئۆپەراسیۆنی وڵاتەكەی بۆ سەر چەند ناوچەكی سنووری پارێزگای دهۆك گەیشتە خاكی هەرێم و قۆناغی یەكەمی ئۆپەراسیۆنەكانی سوپای وڵاتەكەی لەدژی پەكەكە ڕاگرت.
خلوسی ئاكار، وەزیری بەرگریی توركیا لەمیانەی سەردانەكەی بۆ نێو خاكی هەرێم، کۆتاییهاتنی قۆناغی یەکەمی هێرش و بۆردومانەکانی سوپای وڵاتەکەی بۆ سەر پەکەکە ڕاگەیاندووە.
بەپێی هەواڵی میدیاكان ئاكار بە بیانووی ئەوەی كە ناوچەکانی پەکەکە سەخت و پڕ لە ئەشکەوتە، بۆیە قۆناغی یەکەمی هێرشەکەیان کۆتایی پێهێناوە.
پێشیوابووە، پرۆسەکە پێویستی بە قۆناغی دوور و درێژی ئامادەکاریی و پلانی تۆکمەی سەربازیی هەبووە.
جەختیشی كردووەتەوە، “دیارییکردنی ئامانجەکانمان، قۆناغی یەکەمی پرۆسە سەربازییەکە بووە، بۆیە بەردەوامدەبین و لە قۆناغی داهاتوودا دەچینە ناو پێگە و ئەشکەوت و بارەگاکانی پەکەکە”
ئەوەش لەكاتێكدایە، هەپەگە لەماوەی هەشت ڕۆژی جەنگی لەگەڵ سوپای توركیا كوژرانی 218 سەربازیی توركیا ڕاگەیاند.
