وەزارەتی تەندروستیی عێراق هۆشداری دەدات لە مەترسیی سەرهەڵدانی شەپۆلێكی تری بڵاوبوونەوەی كۆرۆنا لە وڵاتەكەدا و هۆكارەكەی ئاشكرادەكات.
هەیسەم عوبێدی بەڕێوەبەری بەهێزكردنی تەندروستی لە وەزارەتی تەندروستیی عێراق ئەمڕۆ دووشەممە ڕایگەیاند، عێراق هێشتا لە بازنەی مەترسیدایە و بەهۆی كەمیی خۆڤاكسینكردنی هاوڵاتییان و زیادبوونی ژمارەی تووشبووانەوە، ترسی سەرهەڵدانی شەپۆلی پێنجەمی كۆرۆنا هەیە.
بەڕێوەبەری بەهێزكردنی تەندروستی لە وەزارەتی تەندروستیی عێراق دەڵێت، شەپۆلی ئەمجارەی بڵاوبوونەوەی كۆرۆنا مەترسیدارتر دەبێت و ئەگەری سەرهەڵدانی گۆڕاوی نوێی كۆرۆنا لە ئارادایە.
لەبارەی وادەی سەرهەڵدانی شەپۆلە نوێیەكەی بڵاوبوونەوەی پەتای كۆرۆناوە، هەیسەم عوبێدی ڕایگەیاند، “نازانین كەی سەرهەڵدەدات، بەڵام ڕەنگە لە پڕێكدا بێتەئاراوە”.
