هەڵبژاردەی بەڕازیل بەهێزەوە پاڵاوتنەکانی ئەمریکای باشووری تێپەڕان و بەشداریکردنی لە جامی جیهانیی 2022 مسۆگەر کرد.
تیمی بەڕازیل تەواوی یارییەکانی پاڵاوتنی “کۆنمیبوڵ”ی بە 45 خاڵەوە لە پلەی یەکەمدا تێپەڕان، بەبێ ئەوەی هیچ دۆڕاندنێک تۆ مار بکەن.
پێشتریش بەبێ دۆڕاندن گەیشتن بە یاریی کۆتایی کۆپا ئەمریکا، بەڵام لە یاریی کۆتاییدا بەرامبەر ئەرجەنتین دۆڕاندنیان تۆمار کرد.
بەپێی ڕاپۆرتێکی “سپۆرت بایبڵ”، سیلیساو بە پێکهاتەیەکی نموونەیی و تۆکمەوە بەشداریی مۆندیالی 2022/قەتەر دەکات، بۆ هەر پێگەیەک دوو تاوەکو سێ یاریزانیان دەستنیشانکردووە، سەرجەم یاریزانەکانیش لە یانە و خولەکانی ئەوروپا و ئەمریکای لاتین ناوازە و نموونەیین.
گۆڵپارێز: ئالیسۆن و ئیدێرۆسن
بەرگری باڵی چەپ: تێلیس و ساندرۆ
بەرگری باڵی ڕاست: ئالڤێس و دانێلۆ
سەنتەری بەرگری: میلیتاو، مارکینیۆس، سیلڤا و گابریێل
ناوەند: ئارسەر، کاسیمێرۆ، فرێد، فابینیۆ، گویماراس، کۆتینیۆ
هێرشبەر: ئانتۆنی، نێیمار، جیسوز، ڕافینها، ڤینیسیۆز، فێرمینۆ
