دادگای باڵای فیدراڵیی عێراق، ئەمڕۆ ئەو سکاڵایەی ڕەتکردەوە کە دژ بە بەرزبوونەوەی نرخی دۆلار بەرزکرابووەوە.
دادگای باڵای فیدراڵیی عێراق، ئەمڕۆ دووشەممە سەبارەت بەو سکاڵایە کۆبووەوە کە پێشتر دژی بەرزبوونەوەی نرخی دۆلار تۆمارکرابوو، بەپێی بڕیاری دادگای فیدراڵی سکاڵاکە ڕەتکرایەوە.
پێشتر دادگای فیدراڵی لە 8ی ئازاری ئەمساڵدا یەکەم دانیشتنی لەبارەیەوە دواخست و دانیشتنی دووەمیشی لە 14ی هەمان مانگدا بۆ 4ی نیسان دواخست تاوەکو بڕیاری کۆتایی لەبارەوە بدرێت.
بەپێی بڕیارێکی پێشووتری بانکی ناوەندیی عێراقی، لە 19ی کانونی یەکەمی 2020، نرخی 100 دۆلاری ئەمریکی بە 145 هەزار دیناری عێراقی دیاریکرد، ئەو نرخەش لە بودجەی 2021ی وڵاتدا لەلایەن ئەنجومەنی نوێنەرانەوە پەسەندکرا.
