کەشناسیی هەرێمی کوردستان پێشبینییەکانی کەشوهەوای بڵاوکردەوە، بەپێی پێشبینییەکان لە سبەینێوە شەپۆلێکی خۆڵبارین ڕوو لە هەرێمی کوردستان دەکات.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ڕایگەیاند، ئەمڕۆ و سبەینێ لە هەولێر، سلێمانی، دهۆک، هەڵەبجە و کەرکوک ئاسمان هەور و نیمچە هەوردەبێت، پلەکانی گەرما لە سبەینێدا دوو بۆ سێ پلە دادەبەزن.
بەپێی پێشبینییەکانی کەشناسی، لە سبەینێوە ئەگەری بەرزبوونەوەی تۆز و خۆڵێکی سووک لە ناوچە جیاوازەکانی هەرێمی کوردستان هەیە.
