یانەی پاریس سان جێرمان گرنگی بە ئانتۆنی دۆس سانتۆسی بەرازیلی دەدات، لەکاتێکدا ئەم یاریزانە لەلایەن یانەی بەرشلۆنەوە داواکراوە.
ڕۆژنامەی “لو 10 سپۆرت”ی فەرەنسی بڵاویکردووەتەوە، چاودێرانی یانەی پاریس سان جێرمان گرنگی-یان بە ئانتۆنی دۆس سانتۆس، هێرشبەری بەرازیلیی یانەی ئەیاکس ئەمستەردام داوە، ئەم هێرشبەرەش لەسەرەتای وادەی گواستنەوەکانی زستانەی 2022وە داواکراوی یانەی بەرشلۆنەیە.
بەپێی سەرچاوەکە، نرخی ئانتۆنی 35 ملیۆن یورۆیە بەپێی داتاکانی ترانسفێر مارکت، بەڵام لەگەڵ تێکەڵبوونی ناسڕ خلێفی بە دانوستاندنەکان، نرخەکەی بۆ یانەی بەرشلۆنە و هەر یانەیەکی داواکاری دیکە بۆ نزیکی 45 ملیۆن یورۆ زیاددەکات.
هێرشبەرەکەی ئەیاکس تەمەنی 22 ساڵە و لەهەردوو پێگەی هێرشبەریی باڵی ڕاست و چەپ یاریدەکات، لەلایەن ئیدارەی بەرشلۆنەوە وەک جێگرەوەی عوسمان دێمبیلی دەستنیشانکراوە.
