هێرشبەری هەڵبژاردەی ئورۆگوای، لویس سوارێز لوتکەی ڕیزبەندیی گۆڵکارانی پاڵاوتنەکانی کیشوەری ئەمریکای لاتینی لە مێسی وەرگرت.
لە دوواین ڕووبەڕووبوونەوەی نێوان ئورۆگوای و چێڵسی لەچێوەی یارییەکانی گەڕی 18ی پاڵاوتنەکانی کیشوەری ئەمریکای لاتین بۆ گەیشتن بە مۆندیالی 2022ی قەتەر، لویس سوارێز لە پێگەی ئیدینسۆن کاڤانی ئاڵوگۆڕی پێکرا و لەخولەکی 79 گۆڵی یەکەمی لەکۆی دوو گۆڵی هەڵبژاردەی وڵاتەکەی تۆمارکرد.
لەڕیزبەندیی گۆڵکارانی کیشوەری ئەمریکای لاتین بۆ پاڵاوتنەکان، ژمارەی گۆڵەکانی گەیاندە 29 گۆڵ، لەکاتێکدا لیۆ مێسی ئەفسانەی زیندووی ئەرجەنتین خاوەنی 28 گۆڵە، بەو تۆمارەشەوە توانی پێگەی گۆڵکاری مێژوویی پاڵاوتنەکانی کیشوەری ئەمریکای باشوور بگرێت.
ڕیزبەندیی گۆڵکارانی پاڵاوتنەکانی ئەمریکای باشوور بەدرێژایی مێژوو:
- لویس سوارێز 62 یاری (29 گۆڵ)
- لیۆنیل مێسی 60 یاری (28 گۆڵ)(
- مارسێلۆ مۆرینۆ 57 یاری (22 گۆڵ)
- ئەلێکسیز سانچێز 51 یاری (19 گۆڵ)
- کریسپۆ 33 یاری (19 گۆڵ)
