رزگاربوویەکی کیمیابارانی هەڵەبجە، ئەمڕۆ لەسەر ئەسکەلە کەوتەخوارەوە و گیانیلەدەستدا.
بەختیار عومەر، یەکێک لەو منداڵانەی لە کیمیابارانی هەڵەبجە رزگاریبوو، ئەمڕۆ لەکاتی کرێکاریدا لەسەر ئەسکەلە کەوتە خوارەوە و گیانیلەدەستدا.
وێنە و ڤیدیۆی دەركەوتنی بەختیار وەك منداڵێكی هەڵەبجە لە زۆربەی میدیا جیهانییەکاندا دەنگدانەوەی هەبوو، کاتێک لەنێو ئۆتۆمبێلێکدایە و یەكێك بوو لە رزگاربووانی کیمیابارانی شارەكە.
ئەو لەم ساڵانەی دواییدا وەک بەڵگەنامەیەکی زیندوو لە مۆنۆمێنتی شەهیدانی هەڵەبجە باسی تاوانەکەی بۆ میوانەکان دەگێڕایەوە کاتێک سەردانی مۆنۆمێنتەکەیان دەکرد.
