بەفر رێگای زینی وەرتێی داخست و هۆشداری بە شۆفێران دەدرێت.
بەڕێوەبەرایەتیی ناحیەی وەرتێ، بڵاویکردەوە، بەهۆی هاتنی شەپۆلی بەفر و باران و گۆڕانى کەشوهەواى ناوچەکە، ئێستا رێگای زینی بەهۆی بەفربارین بەتەواوەتی داخراوە.
بەڕێوەبەرایەتییەکە دەشڵێت، شۆفێران لەپێناو سەلامەتیى خۆیان و سەرنشینەکانیان، ئەو رێگایە بەکارنەهێنن، تاوەکو تیمەکانی پاککردنەوە و راماڵینی بەفر دەگەنە شوێنەکە و رێگاکە پاکدەکەنەوە.
رێگای زینی وەرتێ هەردوو ئیدارەی سەربەخۆی سۆران و راپەڕین پێکەوە دەبەستێتەوە.
