ئەفسانەی پۆرتوگالی یانەی مانچستەر یونایتد، کریستیانۆ ڕۆناڵدۆ بەتۆمارکردنی “هاتریک” بەرامبەر یانەی تۆتنهام، بوو بە گۆڵکاری مێژوویی تۆپی پێ.
هێرشبەرە پۆرتوگالییەکە تاوەکو ئێستا 807 گۆڵی لەسەرجەم خوولە ناوخۆییەکانی ئەوروپا و پاڵەوانێتییە نێودەوڵەتییەکاندا تۆمارکردووە، بەو ڕێژەیەشەوە دەبێتە باشترین گۆڵکاری مێژوویی تۆپی پێ و ناوی لە پەڕاوی ڕیکۆردەکانی (فیفا) بەفەرمی دەنووسرێتەوە.
تۆماری پێشووی باشترین گۆڵکاری مێژوویی تۆپی پێ بەناوی ئەفسانەی نەمسایی، جۆزێف بیکانەوە بوو.
بیکان لە ژیانی پیشەییدا زیاتر لە 1500 گۆڵی تۆمارکردووە، بەڵام تەنها 805 گۆڵی لەلایەن فیفاوە تۆمارکراوە.
ئەفسانەی بەرازیلی، ڕۆماریۆ سێیەمین گۆڵکاری مێژوویی تۆپی پێیە، توانیوویەتی 774 گۆڵ بەدرێسی یانەکان و هەڵبژاردەی بەرازیلەوە تۆماربکات.
ئەفسانەی زیندووی ئەرجەنتین و “پی ئێس جی”، لیۆنێل مێسی لە ڕیزبەندییەکەدا چوارەمە، 759 گۆڵی لەسەر ئاستی یانە و ڕووبەڕووبوونەوە نێودەوڵەتییەکان تۆمارکردووە.
ئەمەش ڕیزبەندیی باشترین (10) گۆڵکارەکانی مێژووی تۆپی پێن، لەسەرجەم و خوول و پاڵەوانێتییە ناوخۆیی و نێودەوڵەتییەکان:
کریستیانۆ ڕۆناڵدۆ – 807 گۆڵ
جۆزێف بیکان – 805 گۆڵ
ڕۆماریۆ – 772 گۆڵ
لیۆنێل مێسی – 759 گۆڵ
پێلێ – 757 گۆڵ
فێرنیک پوشکاش – 746 گۆڵ
گێرد مولەر – 734 گۆڵ
فێرنیک دیاک – 576 گۆڵ
ئوی سیلەر – 575 گۆڵەکان
تولیۆ ماراڤیا – 575 گۆڵ
