وەزارەتی دەرەوەی ئەمریكا ئیدانەی هێرشە مووشەكییەكەی سەر هەولێر دەكات، داوادەكات ئێران دەستوەردان لە عێراق ڕابگرێت.
وەزارەتی دەرەوەی ئەمریكا ڕاگەیەندراوێكی بڵاوكردەوە و دەڵێت، “بە توندی ئیدانەی هێرشە مووشەكییەكەی سەر هەولێر دەكەین، ئەو كارە پێشێلكارییە بۆسەر سەروەریی خاكی عێراق”.
ئاماژەی بەوە كردووە، “لە هێرشە مووشەكییەكەدا هیچ دامەزراوەیەكی ئەمریكا زیانی بەرنەكەوتووە و كارمەندەكانیان سەلامەتن”.
وەزارەتی دەرەوەی ئەمریكا باسی لەوە كردووە، “هاوكاریی هاوبەشەكانمان لە عێراق و هەرێمی كوردستان دەكەین كە بەرگری لە خۆیان بكەن و پێویستە كۆماری ئیسلامیی ئێران دەستوەردان لە عێراق ڕابگرێت”.
