سیروان ساڵح، شارەزای كەشناسی دەڵێت، ” شەپۆلێكی باران و سەرما تەواوی ناوچەكانی هەرێمی كوردستان و گەرمیان دەگرێتەوە و بەفر لە ناوچە شاخاوییەكان دەبارێت”.
ئاماژەی بۆ ئەوەش كردووە، بەهۆی كاریگەریی ناوچەیەكی پەستان نزمی دەریای ناوەڕاست و دابەزینی تۆپەڵە هەوایەكی ساردی جەمسەری پێشبینیدەكەین لە نیوەشەوی یەكشەممە لەسەر دووشەممە و رۆژی دووشەممەوە تاوەكو ڕۆژی سێشەممە باران بە بڕی جیاواز تەواوی ناوچەكانی هەرێمی كوردستان و گەرمیان بگرێتەوە و شەپۆلەكە ناوچە كوێستانییەكان و بەشێكی خۆڕهەڵات و باكووری خۆرهەڵاتی گەرمیان زۆرباش دەبێت و لە ناوەڕاستی گەرمیان مامناوەند دەبێت.
دەشڵێت، “لە زنجیرە چیاكان ئەوانەی كە لە 1500 مەتر بەرزترن ئەگەری بەفربارین هەیە و ئەگەر هەیە بەفر شارۆچكە و گوندەكانی نێوان زنجیرە چیا بەرزەكان بگرێتەوە و هەروەها لە كۆتایی شەپۆلەكەدا ئەگەری بەفربارینی كورتخایەن هەیە لە سەرەوەی چیاكانی ( ئەزمەڕ، گۆیژە، سەگرمە، زەردە، بەمۆ، خۆشك و زمناكۆ ) بەم هۆیەوە پلەكانی گەرمی بەڕادەیەكی بەرچاو دادەبەزن و سەرما و سۆلەی زستان دەستپێدەكات”.
