تەرمی هاوڵاتییەک لە نێوان گوندەکانی بیبانی و کەڵوڕ لە سنووری ناحیەی پردێ دۆزرایەوە.
پەیامنێری تۆڕی میدیایی ئێستا لە شاری کەرکوک لە زاری سەرچاوەیەکی ئاگادار گواستییەوە، ئەمشەو تەرمی هاوڵاتییەک لە نێوان گوندەکانی بیبانی و کەڵوڕ لە سنووری ناحیەی پردێ دۆزراوەتەوە و پۆلیسی پردێ گەیشتووەتە شوێنی رووداوەکە.
ئاماژەی بەوەشکرد، بەپێی ئەو ناسنامەیەی کە لە گرفانیدا بووە، کوژراوەکە ناوی عەباس زاهیرە و تەمەنی 42 ساڵە و لە نەتەوەیی عەرەبە و دانیشتووی گەڕەکی دۆمیزە
ئاشکراشیکرد، کوژراوەکە ئاسەواری 11 گوللە بە جەستەیەوە بووە، تا ئێستا هۆکاری رووداوەکە نەزاندراوە و لێکۆڵینەوەکان لەو بارەیەوە دەستیانپێکردووە.
