لە مانگی ئازاری ئەمساڵدا ڕێوڕەسمی خەڵاتەکانی ئۆسکاری 2022 بەڕێوەدەچێت، بەپێی ڕۆژنامەی واشنتن پۆست فیلمی The Power of the Dog بەهێزترین کێبڕکێکاری ناو فیلمەکانە بە کاندیدکردنی بۆ بردنەوەی 12 خەڵات.
فیلمە كاندیدكراوەكانی خەڵاتەکانی ئۆسكاری 2022 ئاشكراكران، The Power of the Dog كاندیدی زۆرترین خەڵاتە، دواتر ڕیزبەندیی فیلمەكان بەم شێوەیەیە، Dune، Belfast، fictionalized glimpse، West Side Story، Don’t Look Up، King Richard، CODA، Licorice Pizza، Drive My Car و Nightmare Alley و چەند فیلمێكی دیکە.
ڕۆژنامەی واشنتن پۆست هەڵسەنگاندنەکانی بەمجۆرە بڵاوکردووەتەوە:
The Power of the Dog
فیلمەکە، کە لە پێگەی نێتفلێکس بڵاوبووەتەوە، ڕۆڵی خێزانێکە لە کێڵگەیەکی ویلایەتی مۆنتانای ئەمریکا لە بیستەکانی سەدەی ڕابردوودا، بۆ ژمارەیەک خەڵات کاندیدە، وەک باشترین ئەکتەر، باشترین دەق و باشترین وێنەگرتن و ژمارەیەکی دیکە.
Dunes
فیلمێکی خەیاڵیی زانستییە، بۆ بردنەوەی 10 خەڵات کاندید کراوە، ڕووداوەکانی باس لە هەسارەیەکی خەیاڵی دەکات بەناوی ئاراکیس دوای هەشت هەزار ساڵی دیکە.
Belfast
فیلمەکە بۆ بردنەوەی حەوت خەڵات کاندید کراوە، هاوشانی فیلمی West Side Story بۆ هەمان ژمارە خەڵات کاندید کراوە، کە لە دەرهێنانی ستیڤن سپیلبێرگ، گەورە دەرهێنەرە.
Don’t Look Up
لە فیلمەکەدا لیۆنادرۆ دیکاپریۆ ڕۆڵی سەرەکیی هەیە، فیلمەکە باس لە كلكدارێك دەکات کە بەرەو زەوی دێت و زانایان هەوڵدەدەن بڕوا بە حکومەت بهێنن بۆ ڕووبەڕووبوونەوە و چارەسەرکردنی ئەو کێشەیە، بەڵام سەرقاڵبوون بە سۆشیال میدیا و پرسە لاوەكییەكانەوە حكومەت و خەڵكیشی والێكردووە، سەرنجیان نەچێتە سەر مەترسییەكانی كلكدارەكە و كۆتاییهاتنی ژیان، فیلمەكە کاندیدکراوە بۆ خەڵاتی باشترین فیلم.
King Richard
فیلمەکە ویڵ سمیس ڕۆڵی پاڵەوان دەگێرێت، چیرۆکی باوکی هەریەکە لە ئەفسانەکانی تێنس، ڤینۆس و سیرینا ویلیامز دەگێرێتەوە، کاندیدە بۆ باشترین دەرهێنان.
دابەشکردنی خەڵاتەکانی ئۆسکاری 2022 لە 27ی ئازاردا لە تۆڕی ABCی ئەمریکییەوە دەبێت، لە دوای سێ ساڵ، بەشداربووانی ڕێوڕەسمەکە بەشێوەی ڕاستەوخۆ ئامادە دەبن.
