لیۆ مێسی، ئەفسانەی زیندووی ئەرجەنتین لەچاوپێکەوتنێکدا ئاماژە بە شێوازی یاریکردنی دەدات و دەڵێت، “هەر ئەو شێوازەیە کە لە تەمەنی پێنج بۆ شەش ساڵیدا هەمبووە”.
پوڵگا لەچاوپێکەوتنێکدا بە ماڵپەڕی فرانس فوتبۆڵی ڕاگەیاندووە، “هیچ بیرۆکەیەکم نییە سەبارەت بەوەی خاوەنی هێز و بەهرەی سوپەر بم یان نا، بەڵام دڵنیام لەوەی بەهەمان ئەو شێوازە یاریدەکەم کە لەتەمەنی پێنج بۆ شەش ساڵیدا یاریم پێکردووە”.
هەروەها دەڵێت، “بێگومان، هەموو کاتێک هەوڵمداوە تواناکانم باشتربکەم و تەنها بەوەوە نەوەستاوم کە خودا پێیداوم، ئەو بەهرەیەی هەمە خودا پێیداوم، هەموو هەوڵێکمداوە لەنێو یاریگا بەباشترین شێوە بەکاریبهێنم و سوودبەخش بم”.
لەم وەرزەدا لیۆ مێسی بۆ حەوتەم جار لە مێژوویدا خەڵاتی باڵۆندۆری بەدەستهێنا، بەسەر ڕۆبێرت لیڤاندۆڤیسکی-ی پۆڵەندی هێرشبەری یانەی بایرن میونشندا سەرکەوت، کە خەڵاتی باشترین هێرشبەری جیهانی بەدەستهێنا.
