ئه‌مڕۆ، یه‌کشه‌ممه له یاریگای ئیتیحاد و له چوارچێوه‌ی کێبڕکێکانی هه‌فته‌ی هه‌شتی خولی نایابی ئینگلیزی، یانه‌ی مانچسته‌ر سیتی میوانداری لیڤه‌رپوڵ ده‌کات.
پیپ گواردیۆلای ئیسپانی و یۆرگن کلۆپی ئه‌ڵمانی له گرنگی ڕوبه‌ڕوبوونه‌وه‌که تێده‌گه‌ن، بردنه‌وه ڕێدز ده‌گه‌یه‌نێته پله‌ی یه‌که‌می ڕیزبه‌ندی، هه‌روه‌ها حه‌وت پله باز به سیتیزن ده‌دات بۆ پله‌ی پێنجه‌م.
چه‌ند ڕاستییه‌کی ژماره‌یی له باره‌ی هه‌ردوو یانه:
• لیڤه‌رپوڵ له کۆی 38 ڕوبه‌ڕوبوونه‌وه‌ی پریمه‌رلیگ، له 34 یاریدا دۆڕاندنی تۆمارنه‌کردووه.
• له کۆتا نۆ ڕوبه‌ڕوبوونه‌وه‌ی پریمه‌رلیگ، لیڤه‌رپوڵ به‌لایه‌نی که‌مه‌وه له هه‌ر یارییه‌کدا دوو گۆڵ و زیاتری تۆمارکردووه.
• مانچسته‌ر سیتی له کۆتا نۆ ڕوبه‌ڕوبوونه‌وه‌ی پریمه‌رلیگ، له حه‌وت یارییدا به خاوێنی پارێزگاری له گۆڵه‌که‌ی کردووه.
• مانچسته‌ر سیتی له کۆتا نۆ ڕوبه‌ڕوبوونه‌وه‌ی پریمه‌رلیگ له یاریگای خۆیدا هه‌شت بردنه‌وه‌ی تۆمارکردووه.
• مانچسته‌ر سیتی له کۆتا سێ ڕوبه‌ڕوبوونه‌وه‌ی به‌رانبه‌ر لیڤه‌رپوڵ له چوارچێوه‌ی یارییه‌کانی پریمه‌رلیگ بردنه‌وه‌ی تۆمارکردووه.
• لیڤه‌رپوڵ له کۆتا 10 یاری به‌رانبه‌ر مانچسته‌ر سیتی له یاریگای ئیتیحاد نه‌یتوانیوه به خاوێنی پارێزگاری له گۆڵه‌که‌ی بکات.
