وه‌زاره‌تى دارایی و ئابوری هه‌رێمى كوردستان به‌رده‌وامى ده‌دات به دابه‌شكردنى مووچه‌ى مانگى تشرینى دووه‌م و سبه‌ینێ مووچه‌ى دوو شوێنى دیكه دابه‌شده‌كات.
سه‌رچاوه‌یه‌كى ئاگادار له وه‌زاره‌تى دارایی و ئابوری هه‌رێمى كوردستان به تۆڕی میدیایی ئێستاى ڕاگه‌یاند، “سبه‌ینێ سێشه‌ممه مووچه‌ى مانگی تشرینی دووەمی وەزارەتی ناوخۆ و بەڕێوەبەرایەتیی گشتی ڕەگەزنامە دابەشدەکرێت”.
وتیشی، “ئه‌مڕۆ مووچه‌ى مانگى تشرینی دووه‌مى وه‌زاره‌تى دارایی و یه‌كه‌كانى 70 و 80 دابه‌ش ده‌كرێت”.
سه‌رچاوه‌كه‌ى وه‌زاره‌تى دارایی جه‌ختى له‌وه‌شكرده‌وه، “تاوه‌كو ڕه‌وانه‌كردنى 200 ملیار دیناره‌كه‌ى به‌غداد مووچه به‌شێوه‌یه‌كى سست به‌ڕێوه‌دچێت”.
