قائیمقامیەتی چەمچەماڵ رایدەگەیەنێت، “لە رێگای تیمەکانی چاککردن و پاراستنی رێگاوبانی قەزاکەوە پردی هەنجیرە و ئالیاوە بە رووی هاوڵاتییاندا کرانەوە”.
لە راگەیەندراوێکدا قائیمقامیەتی چەمچەماڵ ئاماژەی بەوە کرد، “هەریەکە لە پردی هەنجیرە لە سنووری ناحیەی شۆڕش لەگەڵ پردی ئالیاوە لە سنووری قادر کەرەم، دوای ئەوەی لە چەند رۆژی رابردوودا بەهۆی لافاوەوە بەشێکی هەرەسی هێنا و مەترسی لەسەر شۆفێران و گوندنشینانی سنوورەکە دروست کردبوو، لە رێگای تیمەکانی چاککردن و پاراستنی رێگاوبانی چەمچەماڵ لەماوەی دوو رۆژدا چاککرانەوە و ئەمڕۆ بە رووی هاوڵاتییاندا کرانەوە”.
