كریستیانۆ ڕۆناڵدۆ، كاپتنی هەڵبژاردەی پۆرتوگال پەیامێكی بۆ هاندەران بڵاوكردەوە پاش ئەوەی نەیانتوانی ڕاستەوخۆ سەركەون بۆ مۆندیالی 2022ی قەتەر.
هەڵبژاردەی پۆرتوگال بە یەكسانبوون و بردنەوە سەركەوتنی بۆ مۆندیال مسۆگەردەكرد، بەڵام لە یاریگای خۆی بەرامبەر سڕبیا شكستیهێنا.
بەوەش سڕبیا ڕاستەوخۆ سەركەوتنی بۆ مۆندیال مسۆگەركرد و پۆرتوگالیش گەیشتە پاشكۆكان.
ڕۆناڵدۆ لە تۆڕە كۆمەڵایەتییەكانی خۆی نووسیویەتی، تۆپی پێ هەمیشە دەیسەلمێنێت كە ئەنجامی دڵخواز بە ڕێگەی قورس بەدەستدێت.
دەشڵێت، “ئەنجامی یارییەكەی سڕبیا قورس بوو لەسەرمان، بەڵام پێویست ناكات بێئومێدمان بكات، ئامانجمان سەركەوتنە بۆ مۆندیالی 2022، هێشتا ئامانجەكەمان وەك خۆیەتی، دەشزانین كە پێویستە چی بكەین، هیچ بیانوویەكمان نییە، پۆرتوگال دەچێت بەرەو قەتەڕ”.
پۆرتوگال لە قۆناغی پاشكۆكان شانبەشانی 11 هەڵبژاردەی دیكە ڕكابەری لەسەر سێ كورسی دەكەن بۆ ئەوەی لە مۆندیالی 2022 بەشداری بكەن.
