شەوی سەری ساڵ مێسی دەسوتێنن

لە ڕێوڕەسمێکی تایبەتیدا، شەوی سەری ساڵ هاوڵاتیانی وڵاتی پانەما چەند پەیکەرێکی لیۆنێل مێسی دەسوتێنن و هەزاران کەس ئامادەی ڕێوڕەسمەکە دەبن.

هاوڵاتیانی پانەما وەک کەلتوورێکی مێژوویی، ساڵانە لە شەوی سەری ساڵدا پەیکەری کەسایەتییە بێزراوەکان دەسوتێنن، پاشان هەڵدەستن بە سووتاندنی پەیکەری خۆشەویستترین کەسایەتییەکانی ساڵ.

شەوی سەری ساڵی 2023 پەیکەرەکانی لیۆ مێسی وەک یەکێک لە کەسایەتییە خۆشەویستەکان بە ئامادەبوونی هەزاران کەس لە پانەما دەسوتێنرێت و دەبێتە سەرچاوەی ئاهەنگ و خۆشییەکانی ئەو گەلە.

پەیکەرە داتاشراوەکانی “پوڵگا” دوای بەدەستهێنانی ناسناوی مۆندیال، لەلایەن پەیکەرتاشێکی ناودار بەناوی ڤیکتۆر ئالڤارێزوە دروستکران.

پەیکەرەکان هێندە سەرنجڕاکێش و ناوازەن، لە لەلایەن گەشتیارانی پانەما و دەرەوەی پانەماوە سەردانیی دەکرێت، تێیدا مێسی هاوشێوەی چاوپێکەوتنەکە ناودارەکە دەردەکەوێت، کە بە ڤاوت ڤیگۆریستی هۆڵەندی وت، “سەیری چی دەکەیت گەمژە، بڕۆ بەڕێی خۆتەوە گەمژە.”