تیتی، ڕاهێنەری هەڵبژاردەی بەرازیل ئاشكرایكرد، گرنگیدان بە سێ شت وایكردووە هەڵبژاردەكەی ئاستێكی بەرز و بەهێز پێشكەش بكات.
هەڵبژاردەی بەرازیل بە فەرمی سەركەوتنی بۆ مۆندیالی 2022ی قەتەر مسۆگەركردووە.
تیتی ڕاهێنەری بەرازیل پێیوایە سێ شت بوون بە هۆكار بۆ ئەوەی هەڵبژاردەكەی بەو بەهێزییە دەربكەوێت.
تیتی دەڵێت: “داهێنان، تۆماركردنی گۆڵ و بەهێزیی هێڵی بەرگری وایانكردووە هیچ هەڵبژاردەیەك نەتوانێت بەرامبەر بەرازیل خۆی ڕاگرێت”.
ئاماژەی بەوەشدا، ئامانجی سەرەكییان بەدەستهێنانی نازناوی مۆندیالی 2022 دەبێت.
تیتی لە 67 یاریدا كە سەرپەرشتیی بەرازیلی كردووە، 50 یاریی بە بردنەوە كۆتایی پێهێناوە.
