لانیكەم حەوت كەس بەهۆی لافاوی پاش بارانێكی بەهێز لە نیویۆرك گیانیان لەدەستدا، لەدوای باهۆزی “ئایدا” كە ناوچەكەی گرتووەتەوە.
كاسی هۆشول، حاكمی ویلایەتەكە باری لەناكاوی ڕاگەیاند دوای ئەوەی باهۆزی “ئایدا” لافاوی گەورەی لە شاری نیویۆرك دروستكرد.
هۆشول لە تویتێكدا هۆكاری ڕاگەیاندنی باری لەناكاوی بۆ هاریكاریكردنی دانیشتووانی زەرەرمەندی باهۆزەكە گەڕاندەوە.
لای خۆیەوە ئیدارەی نیشتمانی بۆ كەشوهەوا دۆخەكەی بە مەترسیدار ناوبرد و داوای لە دانیشتووان كرد خۆیان حەشاربدەن ئەگەر لە ناوچەی بەردەم مەترسی باهۆزەكەدان.
هاوكات چەند دیمەنێكی ڤیدیۆیی شەقامەكانی لە ناوچەكانی برۆكلین و كوینز بڵاوكردەوە، كە بەئاو داپۆشراوە و دەردەكەوێت جموجوڵ تیایدا ئاستەمە.
