پرتوگال لە هەر هەفتەیەکدا سێ رۆژ دەکاتە پشوو

رۆژنامەیەکی ئیسپانی رایگەیاند، حکومەتی پرتوگال تاوتوێی پرۆژەیەک دەکات کە تێیدا رۆژانی دەوامی فەرمی بکاتە چوار رۆژ و هەموو هەفتەیەکش سێ رۆژ پشوو بێت.

رۆژنامەی El País ی ئیسپانی بڵاویکردەوە، ” حکومەتی پرتوگال سەرقاڵی تاوتوێکردنی پرۆژەیەکە بۆ ئەوەی لەسەرجەم کەرتی گشتی و تایبەتی وڵاتەکەی رۆژانی کارکردن بکاتە چوار رۆژ و لەبەرامبەردا سێ رۆژ پشوو بێت”.

ئاماژەی بەوەش کرد، “لە سەرەتای ساڵی داهاتووەوە ناوی ئەو کۆمپانیا و شوێنانە تۆماردەکرێت کە دەیانەوێت وەک ئەزموون پلانەکە جێبەجێ بکەن و لە هاوینی ساڵی داهاتووشەوە بچێتە بواری جێبەجێکردنەوە”.

ئاشکراشی کرد، “ئامانج لە پرۆژەکە زیادکردنی بڕی بەرهەمهێنانە لە وڵاتەکەدا، بەڵام گەر کۆمپانیاکان هاوکار نەبن و بەدەنگ پرۆژەکە نەیەن ناتوانین پێ بنێینە قۆناغی دواتر”.

بڕیارە قۆناغی دووەمی جێبەجێکردنی ئەو پرۆژەیەی حکومەتی پرتوگال بکەوێتە سەرەتای ساڵی 2024.

 

بابەتی پێشتر

چیرۆکی 88هەمین هاوسەرگیری پیاوێکی 61 ساڵ

بابەتی دواتر

گەرمیان.. رووداوێکی هاتوچۆ مردنی کەسێک و برینداربوونی چواری دیکەی لێکەوتەوە

بابەتی پەیوەندیدار
Total
0
Share