نرخی نەوت ئەمڕۆ دوو شەممە لەبازاڕەکانی جیهاندا دابەزی، لەبەر مەترسی لەسەر کەمبوونەوەی خواست لەسەر وزە بەهۆی بڵاوبوونەوەی جۆرەکانی کۆرۆنا و لافاوەکانی وڵاتی چینەوە.
نرخی بەرمیلێک نەوتی خاوی برێنت لەبازاڕەکانی جیهاندا 79 سەنت و بەڕێژەی 1.32% دابەزی، نرخەکەی گەیشتە 73.21.
هەروەها بەرمیلێک نەوتی خاوی تەکساس یەک دۆلار و ڕێژەی 1.32% دابەزی و نرخەکەی گەیشتە 71.8 دۆلار.
بەبەردەوامی ژمارەی توشبووانی کۆرۆنا لە جیهاندا بەرزدەبێتەوە، بەتایبەتی لە کۆتایی هەفتەی ڕابردوودا بەشێک لە وڵاتانی جیهان ژمارەی پێوانەییان لە توشبووان تۆمارکرد، بەوهۆیەشەوە تادێت ڕێکارەکانی ڕوبەڕوبوونەوەی کۆرۆنا و قەدەغەی هاتوچۆ توندتر دەبن، ئەمەش کاریگەریی لەسەر خواست لەبازاڕی وزەدا هەیە.
لەگەڵ ئەوەشدا چین کە گەورەترین هاوردەکاری نەوتە لەجیهاندا ژمارەی توشبووانی بەرزدەبێتەوە، هاوکاتیش وڵاتەکە ڕوبەڕووی لافاو و گەردەلولی زۆر بەهێز بووەتەوە لەناوەڕاست و باشووری وڵاتەکەیدا، ئەمەش کاریگەری لەسەر خواستی پەکین لەبازاڕی وزەدا کردووە و بۆ نزمترین ئاستی لەساڵی 2021دا کەمبووەتەوە.
