پۆلیسی دارستانی سلێمانی لەسەر شکانی لقی داربەڕوویەکی 400 ساڵە لە گوندی “داربەڕوو” لێکۆڵینەوە دەکات.
لە ڕاگەیەندراوەکەی پۆلیسی دارستانی سلێمانی هاتووە، دادوەری لێکۆڵینەوە بڕیاری کردنەوەی پەڕاوی یاسایی داوە و ئێستا دەست بەسەر لقە شکاوەکەدا گیراوە و لێکۆڵینەوە لە هۆکاری ڕووداوەکە دەکرێت.
پۆلیس دەیانەوێت بزانن ئایا دارەکە بەهۆی کۆنی و هۆکاری سروشتییەوە شکاوە، یان دەستتێوەردانی مرۆیی لەپشتەوەیە.
