نرخی کۆنسوڵی Xbox بەشێوەیەکی بەرچاو بەرزبووەتەوە و لە ڕۆژی 1ـی ئابەوە نرخی ڕەسمیی ئامێرەکە کۆمپانیا بەگوێرەی بیرگە و مۆدێلەکان بە نزیکەی 150 دۆلار زیاددەکات.
فرۆشیارێکی ئامێرە ئەلکترۆنییەکان ڕایدەگەیەنێت، لە ڕۆژی 1ـی ئابی ئەمساڵەوە، نرخی ڕەسمیی Xbox Series S 512 گێگابایت لە کۆمپانیا دەبێتە 500 دۆلار، نرخی 1 تێرابایتی هەمان کۆنسوڵ دەبێتە 600 دۆلار.
هەروەها نرخی Xbox Series X Digital بە 750 دۆلار دەفرۆشرێت، نرخی Xbox Series Xـیش دەبێتە 800 دۆلار.
نرخەکان بەشێوەیەکی گشتی نزیکەی 100 بۆ 150 دۆلار بەگوێرەی مۆدێل و بیرگەی کۆنسوڵەکان زیاددەکەن.
کۆمپانیای مایکرۆسۆفت کە دروستکەری کۆنسوڵەکەیە دەڵێت، بە ناچاری نرخی ئامێرەکانیان گرانکردووە، ئەمەش بەهۆی گرانبوونی نرخی ڕام و مێمۆری کە بەهۆی سەنتەرەکانی ژیریی دەستکرد – AI ڕووی لە کەمیی کردووە.
ئەو فرۆشیارە دەشڵێت، پێشبینی دەکرێت بەهۆی هاتنی یاریی GTA 6 کە ناوبانگێکی زۆری لەناو ئاشقانی بواری گەیمینگ هەیە، نرخی ئامێرەکان جارێکی دیکە بەرزببنەوە.
