وەزارەتی ئەوقاف و کاروباری ئایینی ڕایگەیاند، لەمڕۆوە (1ـی حوزەیران)، ئەو کۆمپانیایانەی مۆڵەتی ڕەسمییان وەرگرتووە، لە وەرزی عومرەی 2025 گرێبەستیان لەگەڵ بەڕێوەبەرایەتیی گشتیی حەج و عومرەدا کردووە، ماوەکە درێژ دەکرێتەوە و دەتوانن بە پێی ڕێنماییەکان گەشتەکانیان ڕێکبخەن تاوەکو ڕێنمایی نوێ دەردەچێت و ڕێکارەکان ڕێکدەخرێتەوە.
وەزارەتی ئەوقاف دەشڵێت، بڕیارەکە لە پێناو بەرژەوەندیی گشتی و زووتر دەستپێکردنی وەرزی عومرە و چوونی عومرەکاران دەرچووە، هەروەها ڕاشیدەگەیەنێت، تا ئەو کاتەی گۆڕانکاری لە ڕێنماییەکاندا دەکرێت، کۆمپانیاکانی مۆڵەتپێدراو ئەوانەی گرێبەستیان کردووە دەتوانن درێژە بە کارەکانیان بدەن.
